BYR fasteignasala kynnir í einkasölu NAUSTAHVAMMUR 58F, 740 Neskaupstaður. 
Húsið er selt fullbúið á byggingarstigi 7, matstigi 7. Um er að ræða endabil með malbikuðu bílaplani. Birt stærð eignar er 99,4 m². 

Nánari upplýsingar hjá Byr fasteignasölu | byr@byrfasteignasala.is | s. 483-5800

Almennt:
Húsið er límtréshús og er byggt upp sem 11 sjálfstæð iðnaðar- og geymslubil, auk sameiginlegs inntaksrýmis. Eitt þeirra bila er hið selda samkvæmt samningi þessum.

Burðarvirki:
Steyptar undirstöður, steypt vélslípuð gólfplata og límtrésburðarvirki ofan gólfplötu.

Klæðningar og hurðir:
Útveggjaklæðning er lárétt samlokueining með steinullarkjarna, þykkt 149mm. Þak er klætt með samlokueiningum með steinullarkjarna, þykkt 173mm. Iðnaðarhurð er galvanhúðuð standandi fellihurð ( B=4m og H=4,2m). Gönguhurð er uppbyggð úr áli. Milliveggur er úr sléttri samlokueiningu með steinullarkjarna, þykkt 150mm. Litur á vegg- og þakklæðningu utanhúss er silfurgrár að utan en hvítur að innan. Litur á milliveggjum er hvítur.
Hver eining er sjálfstætt brunahólf.

Lagnir:
Sameiginlegt inntaksrými er í byggingunni þar sem dreifigrind neysluvatns er meðal annars staðsett.
Í hverju bili er tengistaður fyrir neysluvatn, með DN25 stofnloka og tengistút. Hvert bil er hitað upp með varmadælu af viðurkenndri gerð, loft í loft.
Tvö rennuniðurföll eru í gólfi sem og stútur fyrir fráveitu skólps á tveimur stöðum. Fráveita af gólfi er veitt í sameiginlega olíuskilju sem staðsett er innan lóðar.

Raflagnir og öryggiskerfi:
Aðaltafla rafmagns, með álestrarmæli, er staðsett í sameiginlegu inntaksrými. Í bilinu er greinatafla sem sér viðkomandi bili fyrir rafmagni ásamt því að hafa stækkunar möguleika t.d. fyrir hleðslustöð eða annan rafbúnað sem kann að bætast við. Lýsing innan dyra mun uppfylla lýsingarþörf verkstæða. Í hverju bili er staðsettur einn tenglakassi á vegg með einfasa tenglum ásamt 16A og 32A þriggja fasa tenglum. Lýsing utanhúss verður fullkláruð og mun teljast hluti af sameign.
Ídráttarrör fyrir fjarskiptalagnir er frá lóðarmörkum að inntaksrými og þaðan í hvert bil fyrir sig (bil).
Sjálfvirkt brunaviðvörunarkerfi er uppsett og fullklárað í húsinu, með útstöðum í hverju bili en stjórnstöð í inntaksrými. Slökkvitæki eru við útganga.

Lóð:
Lóðin er sameiginleg 2125,0 m² leigulóð í eigu Fjarðabyggðar. Lóð er að stærstum hluta malbikuð með niðurföllum. 5 metra langt séreignarsvæði er út frá hverju bili. Óheimilt er að geyma óskráðar bifreiðar, gáma rusl eða annars konar úrgang á lóð kringum húsnæðið. Á það við bæði um sérgreinda lóð sem og sameign.

Áhvílandi vsk- kvöð er á eigninni og miðast söluverð eignar við yfirtöku kaupanda á vsk-kvöð. Kaupandi getur yfirtekið vsk-kvöð ef hann er með opið virðisaukaskattsnúmer. 

ALLAR NÁNARI UPPLÝSINGAR Á SKRIFSTOFU s. 483 5800 - byr@byrfasteignasala.is 
Elín Káradóttir, löggiltur fasteignasali og eigandi – elin@byrfasteignasala.is
Hrönn Bjargar Harðardóttir, löggiltur fasteignasali / stílisti - hronn@byrfasteignasala.is


Opið alla virka daga milli kl. 09:00-16:00.

Um skoðunarskyldu:
Lög um fasteignakaup nr. 40/2002 er kveða á um ríka skoðunarskyldu kaupenda á fasteignum.        
Byr fasteignasala skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.
 
Gjöld sem kaupandi þarf að greiða af vegna kaupanna:
1. Stimpilgjald af kaupsamningi -  0.8% af heildarfasteignamati fyrir einstaklinga  / 1.6% fyrir lögaðila
2. Þinglýsingargjald af kaupsamningi, veðskuldabréfi, o.fl. - kr. 2.700 af hverju skjali.
3. Lántökugjald lánastofnunar – sjá gjaldskrá viðkomandi lánveitanda.
4. Umsýslugjald til fasteignasölu kr. 69.900 m.vsk.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.

www.byrfasteign.is |  Austurmörk 7, 810 Hveragerði - Miðvangur 2-4, 700 Egilsstaðir | Byr fasteignasala