Ásland 14, Mosfellsbær

Verð 81.000.000
TegundEinbýlishús Stærð199.7 m2 8Herbergi 2Baðherbergi Margir inngangar

*** OPIÐ HÚS - ÞRIÐJUDAGINN 19.SEPTEMBER kl. 17:30 - 18:00 ***

Byr fasteignasala hefur fengið í einkasölu Ásland 14 í Mosfellsbæ. Einstaklega fallegt 273,7 fm einbýlishús með glæsilegum garði. Þar af er 37 fm bískúr og auka 37 fm stúdíóíbúð með sérinngangi, auk áfasts garðskála, sem er um 13,5 fm og frístandandi geymsluskúrs, um 10 fm sem ekki eru meðtaldir í fermetrafjölda hússins.



Um er að ræða steypt einbýlishús á tveimur hæðum, gengið er inn í húsið frá götu á efri hæð og út í garð á neðri hæð. Einkennandi fyrir húsið eru bogadregin loft og gluggar sem gefa húsinu mjög fallegan og suðrænan blæ.



Efri hæðin telur forstofu, gestasnyrtingu, búr, eitt svefnherbergi sem nýtt er sem sjónvarpsherbergi, og stórt opið rými með eldhúsi stofu og borðstofu. Útgengt er á svalir í vesturátt og stóran suður sólpall.



 Neðri hæð telur fjögur svefnherbergi, baðherbergi, þvottahús auk geymslu og garðskála. 



Nánari lýsing:

Efri hæð: Gengið er inn í forstofu með fataskáp, útidyrahurð falleg hvít glerhurð með skreyttu hvítu járnvíravirki. Út frá forstofu er gestasnyrting með upphengdu salerni og hvítri innréttingu (möguleiki er á að setja þar upp sturtuklefa). Stofa, borðstofa og eldhús eru í sama rými, hvít eldhúsinnrétting, gert er ráð fyrir amerískum ísskáp. Búr er út frá eldhúsi. Stofan er björt og með svölum sem snúa í vestur og eru með fallegu útsýni yfir Esjuna, Snæfellsjökul, Akrafjall, Úlfarsfell og út á sjó, sérstaklega þegar annars fallegur trjágróður skyggir ekki á útsýnið. Útgengt er út á stóran suður sólpall frá stofu. Úr opnu rými er gengið í svefnherbergi sem nú er nýtt sem sjónvarpsherbergi. Þar eru gluggar í allar áttir (þar af einn sem snýr inn í stofu/eldhús). Stigi er teppalagður.

Gólfefni: flísar, parket í herbergi.



Neðri hæð: Fjögur svefnherbergi eru á neðri hæð. Í hjónaherbergi eru fataskápar. Baðherbergið er flísalagt í hólf og gólf, snyrtileg hvít innrétting, sturta. Þvottahús með hvítri innréttingu með tækjum í vinnuhæð, þar er útgengt út í garð. Frá einu svefnherberginu á neðri hæðinni er útgengt út í hellulagðan garðskála með sturtu og frá tveimur svefnherbergjum er einnig útgengi út í garð. Gluggalaust geymsluherbergi með hillum.

Gólfefni: parket á gangi og svefnherbergjum, flísar á baðherbergi og dúkur í þvottahúsi.



Bílskúr er 37 fm og sérstæður. Hann er flísalagður og með bílskurshurðaopnara.



Stúdíóíbúð: Undir bílskúrnum er 37 fm auka stúdíóíbúð með litlum eldhúskrók og baðherbergi sem er flísalagt í hólf og gólf með upphengdu salerni og sturtuklefa. Sér inngangur er í íbúðina og tröppur liggja á milli bílskúrs og húss upp á götu.

Framan við húsið og bílskúrinn er hellulögn með snjóbræðslu. Stæði fyrir 4-5 bíla auk bílskúrs.



Garðurinn er stór og sérlega fallegur. Hellulögn er við húsið með hringlaga mynstri og 10 fm geymsluskúr með raflögn. Garðurinn er gróinn, með stórum trjám, fallegum beðum og steinum, tilvalið fyrir fólk með græna fingur. Við suðurgafl hússins eru hlaðnir steinar þar sem hægt er að ganga upp í götuhæð. Þar eru falleg beð og hellulögn sem leiðir upp á sólpall sem gengið er út á frá stofu. Háir skjólveggir eru í kring um pallinn sem og garðinn. Einnig eru beð utan við garðinn sem snúa að götu sem gerir aðkomuna að húsinu fallega.

 

í vinnslu